PROGRAMA DIDAKTIKOA

Ikasteko ez dagoelako adinik

ABAO Bilbao Operaren PROGRAMA DIDAKTIKOA duela 34 urte sortu zen, opera haurtzarotik helduarora hurbilduz pertsonek hobeto uler dezaten eta, horrela, musikak bere horretan, inolako apaingarririk gabe, sorrarazten dituen emozioak goza ditzaten.

Programaren arrakastaren erakusgarri, urtetik urtera gero eta parte-hartzaile gehiago dituela eta luzaroan irauten ari dela.

Denboraldi bakoitzean, milaka ikaslek mundu lirikoa modu atsegin eta dibertigarrian ezagutzen dute, ikastetxe, unibertsitate-fakultate, musika-ikastegi eta helduentzako hezkuntza-zentroetarako sortutako jarduera-programa zabalaren bidez.

Hainbat fasetan banatuta, jarduera hauek egiten dira:

JARDUERAK IKASTETXEETAN

1. FASEA: HITZALDI DIDAKTIKOAK

Ikastetxeetara joanda, ikasleei modu ludikoan erakusten diegu operaren munduak nola funtzionatzen duen barrutik:聽 jantziak, atrezzoa, talde teknikoa, talde artistikoa... Gure helburua da gazteek ulertzea agertokian ikusten denaz harago profesional-talde paregabe batek garatzen duen lan zirraragarria dagoela.

Ikus-entzunezko materialaren bidez, opera bat prestatzeko prozesua erakusten diegu, bai alderdi teknikotik bai artistikotik.聽

ESKATU INFORMAZIOA

2. FASE: OPERA-PRODUKZIO BATERAKO BISITA GIDATUAK

Bisita hauei esker, ikasleek hitzaldian jorratutako edukiak dagokien testuinguruan koka ditzakete, antzokiko eremu fisikoarekin lotuz: jostundegia, kamerinoak, entsegu-aretoak eta agertokia. Dekoratua muntatuta egoten den egun hauetan, antzokia esparru aparta izaten da ikasleek opera-ikuskizun batek dakarren guztia gertutik ikusteko.

ESKATU INFORMAZIOA

3. FASEA: EMANALDIAK

Programaren gailurrean, musikaren esperientzia estetikoa bertatik bertara bizitzen da. Bi alderdi ditu, ikasleen adinaren arabera:

ABAO Txiki

ABAO TXIKI familiako txikienei eskainitako ABAOren programazioa da. Programa Didaktikoaren barruko Eskola-saio espezifikoak ditu, eskola-ordutegian (11:00), baita Familia-saioak* ere, asteburuetan. Arriaga Antzokian egiten dira.

Obra bakoitza hezkuntza-etapa jakin baterako gomendatuta dago, ez du ordubete baino gehiago irauten, eta, izaera didaktiko nabarmenaz gain, eszenaratze erakargarria du.
Gainera, obrek gida didaktiko bana dute, eta gaztelaniazko eta euskarazko azpitituluak, edukia hobeto ulertzen laguntzen dutenak.
Eskola-emanaldietara joaten diren ikastetxeek beren eraikinean bertan ikuskizunari buruzko doako hitzaldia emateko eska dezakete, nahi izanez gero.

*Ikastetxe bat ezin bada emanaldietara etorri, antzokiaren edukiera beteta dagoelako edo bere jarduera eskola-ordutegitik kanpo egingo duelako, Familia-saioetara baldintza berezietan joateko aukera eskainiko zaio.

ESKATU INFORMAZIOA

ABAO Gaztea

ABAO TXIKIren 鈥渁naia zaharra鈥, hau da, ikasleak eta irakasleak operaren esperientzia zuzenean gozatzera joaten dira antzokira, baina eskola-ordutegitik kanpo, emanaldiak Opera-denboraldiko obrei dagozkielako. Euskalduna Bilbaon egiten dira.

Sarrerak auditoriumeko lehentasunezko eremu bateko besaulkietarako dira, ikasleentzat oso prezio merkean eta taldearen arduradunarentzat doan.

Gainera, irakasleek ikasleekin ikusiko duten operari buruzko doako hitzaldia beren ikastetxean bertan emateko eska dezakete, nahi izanez gero.

Informazio gehiago jasotzeko, jo hona:

ESKATU INFORMAZIOA

ENPRESA ARDURATSU BAT DUZU?聽
EGIN BAT ABAO KONPROMISOAREKIN