Operaren Lagunen Elkartea XX. mendeko 50eko hamarkadaren hasieran sortu zen, generoa Gerra Zibilaren ostean jasaten ari zen krisia arintzeko asmoz. Harrezkero, bazkide, mezenas eta babesleei esker, opera dagokion lekura eraman besterik ez dugu egin ABAOn. Ondorioz, asko hazi gara, bai programako proposamen-kopuruari bai operaren inguruko jarduera- eta ekitaldi-oparotasunari dagokienez.

Urte hauetan guztietan, funtsezko aldaketak bizi izan ditugu opera egiteko eta ikusleei hurbiltzeko moduan, baita hari buruz pentsatzeko eran ere. Gure gizartearen modernizazioari eta bilakaera ekonomikoari esker, hala nola gure kolektiboaren lan nekaezinaren ondorioz, opera gero eta hurbilago dago biziki maite duten ikusleengandik, eta, aldi berean, publiko hori gero eta zabalagoa da urtetik urtera.

Digitalizazioak, sare sozialek eta mundu-mailako pandemia batek ere geure burua egunero berrasmatzera bultzatu gaituzte, eta, horrekin batera, egin dugun urrats bakoitzean opera birdefinitzera.

Jakin badakigu asko dugula egiteko, opera sekula ez dela egun baino biziago eta aldaketara irekiago egon, baina gure erakundeak 70 urteko historiaren bermea dauka. Orain, inoiz baino gehiago, ABAOAGO GARA.

GURE KONTAKIZUNA MUGARRITAN

• 1953

  
  

  ABAO sortu eta Lehen Opera Jaialdia egin zen, Pucciniren Tosca taularatuta

• 1989

  
  

  Programa Didaktikoa abiatu zen

• 1990

  
  

  Lehen Opera denboraldia, irailetik maiatzera

• 1991

  
  

  Eusko Jaurlaritzak Onura Publikoko Erakunde izendatu zuen ABAO

• 1999

  
  

  Coliseo Albiatik Euskalduna jauregira lekualdatzea onartu zen

• 2000

  
  

  500. emanaldia, Verdiren Aida oholtzan

• 2006

  
  

  Tutto Verdi proiektuaren eta Opera Berri programaren hasiera

• 2015

  
  

  Ópera y + programaren hasiera Gurutzetako Unibertsitate Ospitalean

• 2018

  
  

  1.000. emanaldia, emankizun bat bera ere bertan behera utzi gabe

• 2020

  
  

  Denboraldia eten, pandemiagatik, eta ABAO etxean programa hasi zen

• 2022

  
  

  Tutto Verdi proiektuaren amaiera Alzira operaren emanaldiarekin