ANNALISA STROPPA

Bere belaunaldiko mezzosoprano erreferentea, Annalisa Stroppa egungo panorama lirikoko ahots italiar ospetsuenetakoa da. Bresciako Luca Marenzio Kontserbatorioan kantu-titulua ohorezko matrikulaz eskuratuta eta Bergamoko Unibertsitatean Letretan lizentziatua, nazioarteko kantu-lehiaketa ugaritan saritu dute.

2011n debutatu zuen I due Figaro obran Cherubino antzeztuz, Riccardo Mutiren zuzendaritzapean, Salzburgoko Jaialdian, eta harrezkero lehen mailako antzokietan aritu da, beste askoren artean Milango Teatro alla Scalan, Errege Antzokian, Liceun, Wiener Staatsoperren, Deutsche Operren, Col贸n Antzokian eta Op茅ra Bastillen. Scalan, bi denboraldi jarraian inauguratu ditu Madama Butterfly eta Andrea Ch茅nier operekin, biak ere Riccardo Chaillyren zuzendaritzapean.

Mehta, Thielemann, Luisi, Currentzis, Domingo, Abbado eta Frizza maisu entzutetsuekin lan egin du, errepertorio zabala jorratuz: Mozart, Rossini, Verdi, Donizetti, Massenet, Berlioz... Carmen, Norma, Rigoletto, La Forza del destino, Il barbiere di Siviglia, Les Contes d鈥橦offmann eta Anna Bolena operetan, besteak beste.

Bere kontzertu-jardueragatik ere nabarmentzen da, Berlingo Philharmonien emanaldiak eskaintzen baititu, Verdiren Requiem Berliner Philharmonikerrekin, eta jaialdi garrantzitsuetan ere bai, Ljubljanakoan, Donizetti Operan edo Bregenzekoan, adibidez. 2020an, Donizettiren Requiem COVIDaren biktimen omenez abestu zuen Italiako Errepublikako presidentearen aurrean.

Bere azkenaldiko eta etorkizuneko konpromisoen artean Werther, Roberto Devereux, Carmen, I Capuleti e i Montecchi, La Favorite eta La canzone dei ricordi daude, Col贸n Antzokian, San Carlo Antzokian, Liceun, Turingo Teatro Region, Teatro Massimon eta Politeama Garibaldin.

EN ABAO BILBAO OPERA