Pedro Bartolomé
Burgosen jaioa, Pedro Bartolomék Klarinete eta Orkestra-zuzendaritzako goi-mailako titulua eskuratu zuen Asturiasko Printzerriko Eduardo Martínez Torner Goi Mailako Musika Kontserbatorioan, eta Burgosko Unibertsitatean, berriz, Musika-hezkuntzako diploma. Bere zuzendaritza-prestakuntzan, Miguel Romea eta Andrés Salado funtsezkoak izan dira, eta Aldo Ceccato, Hans Leenders, Timothy Redmond, Pablo González eta Rossen Milanov maisuen lanari ere jarraitu dio. Opera-ibilbidea Daniel Oren, Riccardo Frizza, Nicola Luisotti, Francesco Ivan Ciampa, Yves Abel, Henrik Nánási eta Pedro Halffterren laguntzaile hasi zuen, Tosca, Lucia di Lammermoor, Les pêcheurs de perles, Rigoletto, La bohème eta Jérusalem ekoizpenetan. ABAO Bilbao Opera, Maestranzako Antzokia, Kanaria Handiko ACO, Errege Antzokia eta Buenos Airesko Colón Antzokiarekin kolaboratu du. Così fan tutte eta Norma zuzendu ditu, Bilbon eta Sevillan, hurrenez hurren. Alor sinfonikoan, Gaztela eta Leongo Orkestra Sinfonikoa, Oviedo Filarmonía, Nafarroako Orkestra Sinfonikoa eta Wallonieko Opéra Royaleko Orkestra zuzendu ditu. 2022an, Burgosko Jaialdi Lirikoa sortu zuen, eta Burgosko Gazte Orkestra Sinfonikoko zuzendari musikal eta artistikoa da. Laster barru, Rigoletto zuzenduko du Maestranzako Antzokian.
