«ÓPERA Y +» PROGRAMAK BERE HAMAIKAGARREN EDIZIOA ABIATU DU

«Ópera y +» humanizazio-programak, Gurutzetako Unibertsitate Ospitaleko (EEG ESI) eta ABAO Bilbao Operako profesionalek elkarrekin diseinatuak, bere hamaikagarren edizioa abiatu du, 2025-2026ko 74. Denboraldiarekin lotuta. Programaren barruan, esku-hartze sozial, pedagogiko eta kulturala garatzen da, operaren inguruan, inklusio eta aurrerapen pertsonalerako tresna gisa.

2005ean hasi zenetik, «Ópera y +» ekimenak 7.000 paziente, senide eta osasun-langileri baino gehiagori lagundu die, pedagogian eta musikan adituak diren pertsonen eskutik ospitale barruan eta kanpoan egindako 350 jarduera ingurutan, hamaika laguntza-unitateren bidez: Jaioberrien Unitatea, Pediatria, Ospitale Eskola, Nefrologia, Eguneko Ospitalea, Hesteetako Gaixotasun Inflamatorioko Unitatea, Barne Medikuntza, Pneumologia, Onkologia, Onkologia Erradioterapikoa eta Zainketa Aringarriak.

Gizarte-programa honek “la Caixa” Fundazioaren, Zabalgarbiren, Gondra Barandiaran Fundazioaren eta Orona Fundazioaren babesa eta laguntza ere badu.