Rosetta Cucchi
Ikasketak Pesaroko G. Rossini Kontserbatorioan eta Boloniako Unibertsitatean (DAMS) egin zituen, eta Imolako Piano Akademian master bat eskuratu zuen. Lehiaketa askoren irabazlea, Erromako RAIko Orkestra Sinfonikoarekin pianista kolaboratu zuen, eta besteren artean Mariella Devia, Sonia Ganassi eta Juan Diego Flórezekin batera aritu zen, Milango Teatro alla Scalan, Erromako Santa Cecilian edo Madrilgo Errege Antzokian.
Eszena-zuzendari eta libretista Il passo dell’anima eta La scala di seta obrekin debutatu zuen, Sevillan, eta bere belaunaldiko zuzendari italiar berritzaileenetakoa bihurtu duen ibilbidea hasi zuen. Beste askoren artean, Maggio Musicale Fiorentinon, Boloniako Comunale Antzokian, Genovako Carlo Felice Antzokian, La Fenicen, Rossini Opera Festivalen, Boston Lyric Operan eta Wexford Festival Operan zuzendu du.
2023 eta 2024an, L’amico Fritz, Eugene Onegin, Rossiniren Otello, Butterfly, La Ciociara eta Adriana Lecouvreur aurkeztu zituen nazioarteko hainbat ekoizpenetan. 2022ko Veneziako Biurtekoan gonbidatua izan zen eta International Opera Awards sariketako Zuzendari Onenaren Sarirako izendatu zuten. 2020tik gaur arte, Wexford Festival Operako zuzendari artistikoa izan da, eta 2005 eta 2018 artean Arturo Toscanini Fundaziokoa.
