Rafael Quirant *
Valentzian jaioa, Rafael Quirant sopranista eta Carmen Tur Melchor soprano entzutetsuaren biloba da. 2021ean, Espainiako Gazte Musikalen Kantu Lehiaketako lehen saria jaso zuen, eta, harrezkero, bereziki errepertorio barrokoa jorratuz egin du bere ibilbidea, baina bel cantoari, Espainiako kantuari eta oratorioari uko egin gabe. Besteak beste, Juan de la Rubia, Xavier Sabata, Núria Rial eta María Espada artistekin egin du lan. Bere azken konpromiso nabarmenetako bat Peraladako Jaialdian parte hartu izana da, Johann Adolf Hasseren Sanctus Petrus et Sancta Maria Magdalena oratorioarekin, Dani Espasaren zuzendaritzapean Vespres d’Arnadí taldearekin batera. Era berean, bira bat egin du Carl Orffen Carmina Burana interpretatuz, ADDA Simfònicarekin eta Donostiako Orfeoiarekin. Il dolce incontro talde barrokoko kidea da, eta RTVEko Orkestra Sinfonikoarekin eta Valentziako Orkestrarekin kolaboratu du. Aurelio Viribay, Carlos Chausson, Robert Expert, Nancy Fabiola Herrera, Miquel Ortega, Xavier Sabata, Isabel Rey eta Mariella Devia artisten eskola magistralak eta aholkuak jaso ditu.
