Pedro Halffter
Pedro Halffter Caro, Madrilen jaioa, orkestra-zuzendaria eta konpositorea da. Sevillako Maestranzako Antzokiko zuzendari artistikoa izan zen, 2004tik 2018ra; Nürnberger Symphonikerreko zuzendari gonbidatu nagusia; Bayreutheko Jaialdiko Gazteen Orkestrako zuzendari titularra; Kanaria Handiko Orkestra Filarmonikoko zuzendari artistikoa eta titularra; eta Sevillako Errege Orkestra Sinfonikoko zuzendari artistikoa. Areto eta antzoki ugaritan aritu da orkestra-zuzendari, hala nola Vienako Musikverein, Berlingo Konzerthaus, Londresko Queen Elizabeth Hall, Parisko Théâtre du Châtelet, Errege Antzokia, Pekingo Arte Eszenikoen Zentro Nazionala, Moskuko Tchaikovsky Aretoa, Bayerische Staatsoper, Salzburgoko Grosses Festspielhaus, Gran Teatre del Liceu, Berliner Philharmonie eta Tolosako Théâtre du Capitolen. Beste orkestra batzuen artean, honako hauekin egin du lan: Philharmonia Orchestra, Symphonieorchester des Bayerischen Rundfunks, Deutsches Symphonie-Orchester Berlin, Staatskapelle Berlin, Dresdner Philharmonie, Orchestra Sinfonica Nazionale della RAI, Orchestre Symphonique de Montréal eta Orchestra del Maggio Musicale Fiorentino, baita Espainiako nagusiekin ere. Operan, Die schweigsame Frau, Salome, Der ferne Klang, Turandot, Norma, Rigoletto, Die Zauberflöte, Le nozze di Figaro eta Der Kaiser von Atlantis zuzendu ditu. Bere diskografian, Deutsche Grammophon, Warner Music eta Warner Classics diskoetxeetarako egindako grabazioak daude. Sevillako Hungariako Santa Isabel Arte Ederren Errege Akademiako kidea da.
