Gexan Etxabe
Baritono bilbotarrak bere hiriko Udal Musika Eskolan eta Kontserbatorioan hasi zituen kantu-ikasketak, eta ospe handiko hainbat irakaslerekin jarraitu zuen prestatzen. Egun, ahots-teknika Carlos Álvarez eta Santos Ariño baritonoekin eta Iñaki Belasko pianistarekin hobetzen ari da.
Hamaika denboraldiz Bilboko Opera Koruko kidea izan zen eta 38 obraren 150 emanalditan baino gehiagotan hartu zuen parte. Bere ibilbidea Brittenen Billy Budd-en hasi zuen, bakarlari, ABAOren 2009ko denboraldian.
Bakarlari nagusi 2014an debutatu zuen Dvořáken Te Deum obran, Madrilgo Monumentalean, Donostiako Kursaalean eta Euskalduna Bilbaon abestuz. Harrezkero, ibilbide aktiboa egin du operan, zarzuelan eta oratorioan, eta ABAOren ekoizpenetan ohiko kolaboratzailea da Euskalduna Bilbaon.
Bere azken konpromisoen artean nabarmentzekoa da Jesús Guridiren Mari Eli zarzuelaren mundu-mailako estreinaldian Telesforo antzeztu zuela, 2025eko apirilean Arriaga Antzokian.
