Zergatik bidaiatu Bilbora?

Bilbo, euskal kultur unibertsoko atea, nazioartean aitortutako hirigintza-eraldaketaren erreferentea da, arkitekturaren abangoardia bere iragan industrialarekin lotzen duena.

Bilbora nola iritsi

Guggenheim Museoaz gain, Abandoibarra pasealekua, Isozaki dorreak edo Iberdrolarena, Bilboko Metroa, Foru Aldundiaren Jauregia, Azkuna Zentroa, Begoñako basilika, Santiago katedrala edo San Mames estadioa ditugu, besteak beste.

Bilboko itsasadarraren eta bere zubien ibilbidean, Zazpikaleak, Erriberako Merkatua, Arriaga Antzokia, Udaletxea, Deustuko Unibertsitatea, Arte Ederren Museoa, Euskalduna Bilbao, Itsasmuseum, Sestaoko Labe Garaiak eta Bizkaia zubia, Gizateriaren Ondare dena, ikus ditzakegu.

Kirola, tradizioa, gastronomia, aisia eta kultura dira Bilbo leku paregabe eta berezi egiten duten ezaugarriak.

Bilbori buruzko informazio turistikoa

Bizkaiari buruzko informazio turistikoa:

Euskal Autonomia Erkidegoari buruzko informazio turistikoa

Bilbon ibiltzea erraza da Barik edo Bilbao Bizkaia Card txartelarekin. Bata eta bestea turismo-bulegoetan eskura daitezke, edo online erreserbatu.

Metroan: hiri osoan ibil zaitezke, beste udalerri batzuk bisita ditzakezu, hala nola Santurtzi eta Portugalete, edo Sopelako eta Plentziako hondartzetara hurbil zaitezke.

Tranbian: Bolueta-La Casilla ibilbideak Abandoibarran barrena eramango zaitu, eta Arriaga Antzokian, Guggenheim Museoan edo San Mamesen geratu ahal izango zara.

Hiribusean: hainbat linea daude, hiriko gunerik interesgarrienak lotzen dituztenak.

Bizikletaz: bizikletak maileguan hartzeko udal-zerbitzua dago.

Ontziz: Bilbo ontziz ere ezagut daiteke, itsasadarrean barrena, zerbitzu hori eskaintzen duten enpresen bidez.

Artxandako funikularra: igo Artxanda mendira, Bilboko behatokirik onenera, Campo Volantin pasealekutik.