Marko Mimica
Marko Mimica baxu-baritono kroaziarra bere belaunaldiko bakarlari nabarmenetakoa da. Zagrebeko Musika Akademian graduatua, 2011n, urte horretan bertan Salzburgoko Jaialdiko Young Singers Projecten parte hartu zuen, eta, ondoren, Deutsche Oper Berlineko Ensembleko kidea izan zen, 2011 eta 2016 artean. Besteak beste, antzoki hauetako ohiko gonbidatua da: Parisko Opéra National, Théâtre des Champs-Élysées, Gran Teatre del Liceu, Errege Antzokia, Royal Opera House, Wiener Staatsoper, Palau de les Arts, ABAO Bilbao Opera, Teatro Regio di Torino, Teatro dell’Opera di Roma, Dutch National Opera, Teatro Massimo di Palermo, Sydney Opera House, Maggio Musicale Fiorentino, Wallonieko Opéra Royal, Colón Antzokia, Teatro di San Carlo, Deutsche Oper Berlin eta Semperoper Dresden. 2025/26 denboraldian, Lyongo Operan debutatu zuen, Les contes d’Hoffmann-eko lau bilauekin; Wallonieko Opéra Royalera itzuli zen, Lucrezia Borgia-n Alfonso d’Este antzeztuz; Errege Antzokian, Ferrando abestu zuen Il trovatore-n; Wiener Staatsoperren, Wurm Luisa Miller-en; Liceun, Assur Semiramide-n; eta Málagan, Marke erregea Tristan und Isolde-n. Sona handiko zuzendariekin egin du lan, Gianandrea Noseda, Donald Runnicles, Daniel Oren, Michele Mariotti, Riccardo Frizza, Francesco Ivan Ciampa eta Roberto Abbadorekin, kasurako, baita Robert Carsen, Claus Guth, Willy Decker, Christof Loy, Calixto Bieito, Damiano Michieletto eta Emma Dante eszena-zuzendariekin ere.
