Lukas Geniušas *
Moskun jaioa, 1990ean, Lukas Geniušas pianista errusiar-lituaniarra bere belaunaldiko artista nabarmen eta pertsonalenetakoa da egun. 2008an graduatu zen Moskuko Chopin Music Collegen, eta nazioarteko lehiaketa garrantzitsuetan saritua izan da, hala nola Moskuko Chaikovski Lehiaketan eta Nazioarteko Chopin Lehiaketan, lehenengoan 2015ean eta bigarrenean 2010ean zilarrezko domina irabazita. Besteren artean, areto hauetan eskaini ditu errezitalak: Wigmore Hall, Amsterdameko Concertgebouw, Salle Gaveau, Auditorium du Louvre, New Yorkeko Frick Collection, Phillips Collection, Teatro Carlo Felice, Milango Verdi Aretoa eta Moskuko Kontserbatorioko Areto Handia. Orkestrei dagokienez, Radio Franceko Orchestre Philharmonique, Lyongo Orchestre National, NHK Symphony Orchestra, City of Birmingham Symphony Orchestra, San Petersburgoko Orkestra Filarmonikoa, Russian National Orchestra, Mariinsky Theatre Orchestra, Toronto Symphony eta Warsaw Philharmonicekin jo du, Valery Gergiev, Mikhail Pletnev, Leonard Slatkin, Charles Dutoit, Andrey Boreyko, Tugan Sokhiev eta Rafael Payareren zuzendaritzapean, kasurako. Bere errepertorio zabalean, barrokotik musika garaikidera bitarteko obrak daude, zeinen artean Beethoven, Chopin, Rachmaninov, Prokófiev eta musika errusiarra nabarmentzen dira. Bere diskografiak Beethoven, Brahms, Rachmaninov, Chopin, Prokófiev, Bartók, Chaikovski eta Desyatnikovi eskainitako grabazioak biltzen ditu.
