Gabriel Alonso
Ferrolen jaioa, Gabriel Alonso Sofia Erregina Goi Mailako Musika Eskolan graduatu zen eta bere prestakuntza aitorpen nabarmenekin osatu zuen: hirugarren saria Logroñoko Nazioarteko Lehiaketan (2019) eta beste sari bat Pagliacci-ko Silvioren antzezpenagatik Capri Opera Festivalen (2022). Debuta egin zuenetik, Donostiako Victoria Eugenia Antzokian Il barbiere di Siviglia operarekin, ibilbide oparoa egin du opera-errepertorioan rol protagonistak jokatuz, hala nola Marcello (La Bohème), Giorgio Germont (La traviata), Figaro (Il barbiere di Siviglia) eta Malatesta (Don Pasquale); bai eta hala Málagan nola Vigon Rigoletto eta Coruñan La forza del destino obretan parte hartuz.
Bere moldakortasunari esker, La verbena de la Paloma, Carmen, Luisa Fernanda, La leyenda del beso eta La tragédie de Carmen ere kantatu ditu, azkena Beiruteko Al Bustan Festivalen. Victor Pablo Pérez, Gianluca Marcianò eta Gianpaolo Bisanti zuzendariekin kolaboratzen du, besteren artean, eta Galiziako Real Filharmoníarekin batera Xabier de Pazen Dúas cantigas lanaren estreinaldian parte hartu du.
Esparru sinfonikoan eta ganbera-alorrean, Carmina Burana, Fauréren Requiem, Beethovenen 9. Sinfonia, Saint-Saënsen Gabonetako Oratorioa eta Mahlerren Kindertotenlieder kantuen zikloa abesten ditu. Bere azkenaldiko eta etorkizuneko konpromisoetako batzuk Dido and Aeneas Palmako Teatre Principalen, Esencias Gallegas errezitala Zarzuelako Antzokian, Carmen Coruñan eta Rigoletto Oviedoko Operan dira.
