Amico Teatro
AMICO TEATRO konpainiak, Txori García Urizek eta Ion Barbarin Lisarrik 2014an sortua, keinu-antzerkiaren, umorearen eta dantzaren uztarketan oinarritutako lengoaia eszeniko propioa jorratzen du. Jaio zenetik, berak sortutako ikuskizunak ekoitzi eta bere lanak hainbat herri eta jaialditan aurkeztu ditu, hala nola Leioako Umore Azokan, Araiako Umore Antzerkiaren Jaialdian, Gasteizko Kaldearten, Barakaldoko Kale Antzerki Jaialdian, Sopela Kosta Fest festibalean eta Iruñeko Harresietako Jaialdian, besteak beste. Konpainiak, bere jarduera eszenikoaz batera, lan pedagogikoa egiten du tailerren eta prestakuntza-proiektuen bidez. Operaren alorrean, berriz, AMICO TEATRO Nafarroako Ganbera Operak familientzat sortutako El flautista de Hamelin obraren eszena-zuzendaritzaz arduratu da.
