Nana Dzidziguri *
Nana Dzidziguri mezzosoprano georgiarrak Tifliseko V. Sarajishvili Estatuko Kontserbatorioan ikasi zuen kantu lirikoa, eta bere prestakuntza Montserrat Caballé, Mirella Freni, Enzo Dara, Badri Maisuradze eta Paata Burchuladzeren eskola magistralekin osatu zuen. Bussetoko Voci Verdiane Nazioarteko Lehiaketako lehen sariaren eta Roma sariaren irabazlea, Montserrat Caballé Lehiaketako eta Accademia del Maggio Musicale Fiorentinoko nazioarteko lehiaketako finalista ere izan zen. Bere ibilbidea Tifliseko Estatuko Operan hasi zuen, non Carmen, Amneris, Naana Abesalom-en eta Eteri-n, eta Nano Daisi-n interpretatu zituen. Ondoren, nazioarteko ibilbide zabala egin zuen hainbat agertokitan kantatuz, Pragako Opera Nazionala, Rigako Opera Nazionala, Zuricheko Opera, Bonneko Opera, Staatstheater Oldenburg, Theater Osnabrück, Theater Münster, Theater Lübeck, Staatstheater Wiesbaden eta Bayreutheko Jaialdian, besteak beste. Bere errepertorioko pertsonaien artean, Carmen, Amneris, Ulrica, Dalila, Fenena, Federica, Maddalena, Schwertleite, Siegrune, Jezibaba, Mrs Quickly eta Old Lady Candide-n daude. Berriki, Siegrune abestu du Bayreutheko Jaialdian eta Oldenburgen, Schwertleite Die Walküre-n Zurichen, Ulrica Bonnen, Carmen Pragan eta Rigan, Dalila Tiflisen eta Jezibaba Osnabrücken.
