Annalisa Stroppa

Mezzosopranoa

Nazioartean aitortutako mezzosopranoa, Annalisa Stroppa gaur egungo eszena lirikoan ospetsuenetako ahots italiarretako bat bihurtu da.

2011n debutatu zuen Cherubino gisa Mercadante-ren I Due Figaro lanean, Riccardo Muti-ren zuzendaritzapean Salzburg-eko Jaialdian, eta ordutik munduko antzoki nagusietan aritu da: Milango La Scala, Wiener Staatsoper, Bayerische Staatsoper (Munich), Deutsche Oper Berlin, Hamburg Staatsoper, Opéra national de Paris, Napoliko Teatro San Carlo, Teatro Maggio Musicale Fiorentino, Teatro dell’Opera di Roma, Regio di Torino, Arena di Verona, Teatro Massimo (Palermo), Amsterdam-eko Concertgebouw, Tel Aviv-eko Opera, Montecarloko Opera, Chorégies d’Orange, Madrilgo Teatro Real eta Bartzelonako Gran Teatre del Liceu, besteak beste. Zuzendari ospetsuekin lan egin du, hala nola Roberto Abbado, Riccardo Chailly, Marco Armiliato, Riccardo Frizza, Gianandrea Noseda, Myung-Whun Chung, Pablo Heras-Casado, Ramón Tebar, Pinchas Steinberg, Zubin Mehta, Daniel Oren, Christian Thielemann eta Teodor Currentzis.

Azken emanaldiak honako hauek izan dira: Saint-Saëns-en Requiem Ljubljana Winter Festival-en, Verdi-ren Requiem Berlin-eko Philharmonie-n, Udinen eta Venezian, Léonor (La Favorite) Bergamon eta Bordelen, Carmen São Paulon, Suzuki (Madama Butterfly) Liceun, Romeo (I Capuleti e i Montecchi) Bresciakoan, Giovanna Seymour (Anna Bolena) eta Sara (Roberto Devereux) Napolin, Rosina (Il barbiere di Siviglia) Cagliarin eta Triesten, Charlotte (Werther) Dortmund-en, Bolonian eta Buenos Airesen, eta Preziosilla (La forza del destino) Zurich-eko Operan. ABAO Bilbao Opera denboraldian debutatu zuen 2016an Rosina gisa Il barbiere di Siviglia-n.