Marifé Nogales
Marifé Nogales mezzosoprano andoaindarrak ibilbide nabarmena egin du hainbat antzokitan, hala nola Errege Antzokian, Gran Teatre del Liceun, Zarzuelako Antzokian, Sevillako Maestranzan, Oviedoko Operan, ABAO Bilbao Operan, Lisboako São Carlosko Antzoki Nazionalean eta Arriaga Antzokian, baita Donostiako Musika Hamabostaldian, Granadako Jaialdian eta Peraladakoan ere. Teodor Currentzis, Patrick Fournillier, Michele Mariotti, Jesús López Cobos, Ottavio Dantone, Vasily Petrenko eta Alberto Zedda zuzendariekin lan egin du.
Bere errepertorioan Suzuki (Madama Butterfly) eta Carmen daude, eta La traviata, Rigoletto, Otello, Macbeth, L’italiana in Algeri, Thaïs, Jenůfa, Adriana Lecouvreur eta Mirentxu obrak. Estreinaldietan ere parte hartu du, Miquel Ortegaren La casa de Bernarda Alba-n, esaterako, bai eta Manuel Garcíaren L’isola disabitata berreskurapen historikoan ere. Zarzuelan, Luisa Fernanda eta La Dolorosa obretan rol protagonistak jokatu ditu.
Bere egungo eta etorkizuneko konpromisoen artean Anna Bolena (Oviedo), Il trittico (ABAO), Amaya kontzertuan (Musika Hamabostaldia) eta Euskadiko Orkestrarekin A Midsummer Night’s Dream daude.
