Malgorzata Pawlowska *

Soprano

Malgorzata Pawlowska soprano poloniarrak Varsoviako Fryderyk Chopin University of Musiceko Ahots Fakultatean ikasi zuen kantua, Ryszard Cieślaren ikasgelan, eta bere prestakuntza Robert Holzer, Andrzej Dobber eta Violeta Urmanaren eskola magistraletan osatu zuen. Ikasten ari zela, Le nozze di Figaro-ko Kondesaren rolean debutatu zuen, Varsoviako Ganbera Operan, Filharmonia Świętokrzyskarekin, eta Don Giovanni-ko Donna Anna gisa ere bai, Nieboróweko Operan. Behin ikasketak amaituta, arrakastaz debutatu zuen Eugene Onegin-en Tatiana jokatuz, Varsoviako Teatr Wielkin, eta Così fan tutte-nFiordiligi, Krynica-Zdrójeko Jan Kiepura Jaialdian. 2020 eta 2025 artean, Theater Plauen-Zwickauko kidea izan zen, non Ariadne, Rusalka, Manon Lescaut, Agathe eta Rosalinde kantatu zituen, eta 2025ean bertan antzeztu zuen Salome estreinakoz. 2025/26 denboraldian, Txileko Santiagoko Udal Antzokian debutatu zuen, Salome lanarekin, baita Košiceko Opera Nazionalean ere, Tosca jokatuz. Suor Angelica ere abestu du Staatstheater Oldenburgen, eta Tenerifeko Operan Ghitaren cover-a izan zen Der Zwerg-en. Hainbat lehiaketatan saritu dute, hala nola Da Capo, Zinka Milanov, Ada Sari, Viva Calisia eta bai Poloniako bai Kroaziako beste lehiaketa batzuetan.