Nadine Sierra

Soprano

Bere ahotsaren edertasunagatik, teknika bikainagatik eta musikaltasunagatik goraipatua, Nadine Sierra sopranoa bere belaunaldiko abeslaririk nabarmenetakoa da. Metropolitan Operaren Richard Tucker Award (2017) eta Beverly Sills Artist Award (2018) sarien irabazlea, arrakastaz debutatu du METen, Teatro alla Scalan, Parisko Opera Nazionalean eta Berlingo Staatsoperren. Bere There’s a Place for Us (2018) eta Made For Opera (2022) diskoak Deutsche Grammophonek argitaratu ditu.

2024–25 denboraldian, Wiener Staatsoperren Juliette (Roméo et Juliette) antzeztu zuen lehen aldiz, eta METen Gilda (Rigoletto), Errege Antzokian Violetta (La traviata), Liceun Violetta, Amina (La sonnambula) eta Maria (West Side Story) Gustavo Dudamelen zuzendaritzapean, Parisko Operan Manon eta Teatro di San Carlon Juliette antzeztu zituen beste behin.

Berliner Philharmonikerekin, Philadelphia Orchestrarekin eta Accademia Nazionale di Santa Ceciliako orkestrarekin abestu du, besteak beste; Carnegie Hallen, Errege Antzokian eta Grand Théâtre de Genèven errezitalak eskaini ditu; eta Andrea Bocellirekin ere agertu da biran. Classical Singer aldizkariaren azalean ez ezik, Vogue eta Opera News hedabideetan ere agertu da.

Sierrak Mannes Collegen ikasi zuen eta Adler Fellow izan zen San Francisco Operan, zeinarekin lankidetza estuan aritzen den.