ABAO Bilbao Operak Ópera XXI ohorezko saria jaso du

Maiatzaren 15ean, VIII. Ópera XXI sariak banatu ziren, lirikaren alorreko sari nazionalak, Bartzelonako Liceun egindako ekitaldian, non Espainiako eta Latinoamerikako operaren sektoreko pertsona eta erakunde nagusiak bikaintasun artistikoa, sormen eszenikoa eta denboraldi liriko bakoitza sostengatzen duen talde-lana ospatzeko bildu ziren.

Ibilbide Profesionalaren Ohorezko Saria Ópera XXI elkartearen sustatzaileek jaso zuten, azken bi hamarkadetan Espainiako sektore lirikoaren garapenari eta finkapenari egindako ekarpenagatik. Juan Carlos Matellanes ABAO Bilbao Operako presidenteak jaso zuen elkartearen eraketa ahalbidetu zuten erakunde aitzindarien izenean.

ABAO Bilbao Opera ere saritua izan da edizio honetan, lau kategoriatan: Abeslari Onena (gizonezkoa) Jorge de León, Otello operako pertsonaia nagusiagatik, 2025eko maiatzean; Eszena-diseinurik Onena Alfons Flores, ABAOren Don Pasquale ekoizpenean egindako lanagatik, 2024ko urrian; Jantzien Diseinurik Onena eta Bideo-sorkuntzako Proposamenik Onena Ana Garay eta Pedro Chamizo, ABAOren Il Trittico ekoizpenean egindako lanagatik, 2024ko azaroan.