ABAOk Zuzendaritza-batzordea berritu du Juan Carlos Matellanes buru duela
ABAO Bilbao Operaren Ezohiko Batzar Nagusiak datozen lau urteetan elkartea gidatuko duen Zuzendaritza-batzorde berria hautatu du; epealdi horretan, 75. Opera-denboraldia eta erakundearen 75. urteurrena ospatuko ditugu.
Juan Carlos Matellanes buru duen hautagaitzak bazkideen botoen % 99ko babesa jaso du; beraz, erakundeko agintaldia luzatu du.
Honako hauek dira Zuzendaritza-batzorde berriko kideak: Juan Carlos Matellanes Fariza, presidentea; Javier Hernani Burzaco, lehen presidenteordea; Juan Daniel Solana Alonso, bigarren presidenteordea; María Ángeles Mata Merino, diruzaina; Guillermo Ibáñez Calle, idazkaria; eta José María Bilbao Urquijo, Emilia Galán Fernández, Jesús Ramón Jusué Lafuente, Enrique Marco-Gardoqui Ibáñez eta Koldo Campo Ruiz batzordekideak.
Agintaldi hasi berriko helburuen artean, honako hauek daude: oinarri soziala indartzea, publiko-mota gehiago erakartzea, operarekin lotutako hezkuntza- eta gizarte-jarduera sustatzea, bideragarritasun ekonomikoa bermatzea eta hala Estatuan nola nazioartean ABAO Bilbao Operaren aintzatespena areagotzea.
Era berean, zuzendaritzak programazioaren bikaintasun artistikoari eusteko eta erakunde publiko, enpresa eta entitate laguntzaileekiko lankidetza sendotzeko lan egingo du.