Ekoizpenen alokairua

Duela hamarkada batzuetatik, OLBE Bilbao Operak ekoizpen propioak eta koprodukzioak garatzen ditu nazioartean erreferentzia diren erakunde lirikoekin lankidetzan. Lan-ildo horrek bikaintasun artistikoa eta bokazio partekatua uztartzen ditu, eszenaratze paregabeei bizia emateko aukera ematen du eta agertokitik haratago balioa sortzen du.

Opera-sorkuntzaren ahalegin jarraituak berezko zigilua duen programazioa dakar, OLBEren ekoizpena indartzen duena, kultur eragile aktibo gisa eta errepertorioaren garapenarekin, talentu eszenikoarekin eta antzokien arteko trukearekin konprometituta.