es  |  eus  |  en  |  fr
Hemen gaituzu
logo_facebook logo_twitter instagram podcast logo_contacta
logo_abao
Hemen zaude > Opera > Lucia di Lammermoor

Lucia di Lammermoor

Gaetano Donizetti

Emanaldiak

Larunbata 2019ko Urriaren 19 19:00-etan
Astelehena   2019ko Urriaren 21 19:30-etan
Ostirala 2019ko Urriaren 25   19:30-etan
Larunbata 2019ko Urriaren 26 19:00-etan 
Astelehena    2019ko Urriaren 28
19:30-etan

Babeslea

FITXA

  Lucia Jessica Pratt  
    Leonor Bonilla* (ob)  
  Edgardo Ismael Jordi  
    Juan Antonio Sanabria (ob)  
  Lord Enrico
Juan Jesús Rodriguez  
    Manel Esteve (ob)  
  Lord Arturo
Juan José de León*  
  Raimondo Bidavent
Marko Mimica  
  Alisa Maite Maruri  
  Normanno Gerardo López*  
       
    Euskadiko Orkestra Sinfonikoa  
    Coro de Ópera de Bilbao  
       
  Musika-zuzendaria Riccardo Frizza  
  Eszena-zuzendaria Lorenzo Mariani  
  Eszenografoa
Maurizio Baló*  
  Jantziak Silvia Aymonino  
  Argiztapena Roberto Venturi  
  Artists Bideoa Fabio Iacquone y Luca Attilii  
  Koruaren zuzendaria Boris Dujin  
       
  Koprodukzioa ABAO, Teatro Comunale di Bologna, Teatro Carlo Felice di Genova eta Teatro Nacional de Eslovaquia  
       
  Iraupena
I Partea 90 minutu
Etenaldia 30 minutu
II Partea 60 minutu
 
       
  (ob): Opera Berri    
  *ABAO Bilbao Opera debutatuko du    

 

 

 

Opera Berri

 

ABAO-OLBEren Opera Berri programaren xedea da opera publiko berriei hurbiltzea, izenburu ezagunen bidez, bai eta opera denen eskura jartzea ere, sarreretan % 50etik beherako deskontuak izanda.

Emanaldiak bigarren abeslari-sorta bat du, rol nagusietarako eta gainekorako; musika-zuzendaritza, orkestra, korua eta eszena-zuzendaritza, berriz, programaturiko gainerako emanaldietako berak dira.

 

AUDIOA

Alfin son tua, alfin sei mio. Vazquez, Orfila, Diego, coro
Chi mi frena in tal momento. Damrau, Fabiano, Tezier, Orfila, Corujo, Suárez, coro
Soffriva nel pianto. D. Damrau. L. Tezier
Verranno a te sull'aure. D. Damrau. M. Fabiano

DOKUMENTUAK

pdf
Esku-programa

Zirkularrak

pdf
Sakatu dossier

Sinopsia

Opera Ravenswood familiaren gazteluan hasiko da, zeina Asthondarrek beretzat hartu duten. Normanno, haien zerbitzurako zaindarien buruzagia, harrituta dago Lucia, gazteluko jaun Lord Enricoren arreba, eta Edgardo, Ravenswoodtarren arteko azkena eta Asthon familiaren etsai sutsuena, elkarrekin maitemindurik daudelako. Hori dela eta, zaindarien buruak maitaleei buruzko informazioa biltzeko agindua emango du. Enrico Asthon sartu, eta kezkatuta dagoela aitortuko dio Normannori: zatiketa politikoek erdibituta dute Eskozia, eta Ravenswoodtarren aldekoak Asthondarrei nagusitu zaizkie. Luciaren eta Lord Arturo Bucklawren ezkontzak oreka ezar lezake gatazka honetan, baina Luciak ez du halako proposamenik onartu nahi. Raimondo Bidebent apaiz, maisu eta Luciaren konfiantzazko lagunak gogoraraziko dio Asthoni neskatilak atsekabetuta jarraitzen duela, ama berriki galdu duelako. Normannok, ordea, Lucia gazte ezezagun batekin maiteminduta dagoela jakinaraziko dio, eraso egin zion zezena hil zuen gizonarekin, alegia; Edgardo Ravenswood izan liteke. Ehiztariek berretsiko dute Edgardo Otso Zintzurreko Dorretik ateratzen ikusi dutela, zaldi gainean ziztu bizian, eta Enricok, sutan, mendeku hartzeko mehatxua egingo du.



Parkean, iturri baten ondoan, iluntzean, Lucia Edgardoren zain dago; Alisa du ondoan, bere konpainia-anderea, eta hari aitortuko dio Edgardoren arbasoetako batek zeharo jeloskor erail zuen emakume baten mamua ikusi duela. Alisak, asaldatuta, Edgardorekin duen harremana eteteko erregutuko dio, baina Luciak ezetz diotso, hura delako bere argia eta nahigabe guztien kontsolamendua. Azkenean, Edgardo iritsiko da, berandu datorrela-eta barkamena eskatuz: egunsentia baino lehen, Frantziara abiatu beharra dauka. Hala ere, Eskoziatik alde egin aurretik, Asthondarrekin adiskidetzen saiatu nahi du, eta Luciari berarekin ezkontzeko eskatuko dio, bake-asmoz. Emakumea, kezkatuta maiteak alde egingo duelako, nahiz eta ez betiko, Enricoren gorrotoa ez dela baretu azalduko dio Edgardori. Honek Asthondarrek bere familiari jasanarazitako bidegabekeria guztiak ekarriko ditu gogora: Lucia maite duelako ez ditu burutu bere mendeku-asmoak, baina ez du ahantzi aitaren hilobi parean egin zuen zina. Luciak erregutuko dio beren arteko sentimendua besterik ez izateko gogoan, eta Edgardok eskatuko dio betiko fideltasuna agin diezaion. Orduan, nork bere eraztuna emanez besteari, ezkon-hitza emango diote elkarri.



Bigarren zatiaren hasieran, Lord Asthonen ermeuetan, Enrico Normannorekin hizketan ari da, Luciaren zain dagoelarik; neskatila Arturo Bucklawrekin ezkonduko da, eta senideak gaztelura iritsi berri dira. Enrico, baina, beldur da arrebak ez ote dion ezkontzeari uko egingo; Normannok lasaitu egingo du: Edgardok denbora luzea darama kanpoan, Luciak haren eskutitzak jasotzea eragotzi dute, eta bien artean gezur ederra asmatu dute (Edgardok beste andere bati eman diola ezkontzeko hitza); horrek guztiak beldur guztiak uxatu beharko lituzke. Luciak, ataria zapaldu bezain laster, zantzu kezkagarriak sumatu ditu: arraro mugitzen da, eta begiak, zuri, nebarengan finkatuta ditu. Enricok Edgardoren gezurrezko eskutitz bat emango dio, gizonak traizio egin diola ikus dezan; orduan, Luciak bere bizitza amaitzear dagoela sentituko du. Enricok Arturorekin ezkontzeko eskatuko dio, hark baino ezin bailezake lagundu Asthondarren egoera hobetzen. Luciak heriotza desiratu eta Raimondorengana joko du kontsolamendu-eske; hark ezkontza onartzea aholkatuko dio, familia osoaren hobe beharrez.



Areto paregabe batean, Arturok hitzemango dio Enricori baldintzarik gabe lagunduko diola; Lucia, erotzeko zorian, dagoeneko ezkondu da harekin. Bat-batean, heldu berri, Edgardo arnasestuka sartuko da: Lucia txunditurik dago, eta gonbidatuak suminduta eta kezkatuta. Raimondok armekin borroka daitezen eragotziko du, eta Luciaren sinadura daraman ezkontza-kontratua erakutsiko dio Edgardori. Orduan, honek eraztuna itzuliko dio Luciari, eta berea jaso ostean lurrera bota eta zapaldu egingo du: Asthondarrak madarikatu, bere arma bota, eta bularra etsaiei eskainiko die. Aretotik botako dute, eta Luciak haren salbazioaren alde otoitz egingo du.


Ravenswood familiaren jabetzako Otso Zintzurreko Dorreko egongelan, Edgardo malenkoniatsu dago. Gaua da, eta kanpoan ekaitz izugarria dabil. Halako batean, Enrico Asthon iritsiko da, eta, mendeku-asmoz, Lucia  ezkontza-ohera eraman dutela kontatuko dio Edgardori. Orduan, elkarren aurka borrokatzea adostuko dute: egunsentian, Ravenswoodeko hilerrian.


Gazteluan, ospakizunek aurrera jarraitzen dutela, Raimondok jakinaraziko du Luciak, burutik eginda, Arturo erail duela. Ezkonberrien logelan sartu denean, neskak galdetu dio, irribarretsu, non dagoen senarra. Une horretan, Lucia mamu baten itxuraz sartuko da: begirada finkoak, koordinaziorik gabeko mugimenduek eta irribarreak erotuta dagoela erakusten dute. Luciak, eldarnio betean, Edgardorekin emandako uneak ekarriko ditu gogora, hala nola iturri ondoan agertu zitzaion mamua eta bere maitearekin bat egingo duen ezkontza. Gonbidatuek, neskatilaren erotasunaz errukiturik, Enrico geldiaraziko dute. Denen harridurarako, Alisak Lucia eraman, eta Raimondok tragedia eragin izana aurpegiratuko dio Normannori, Enricori Luciaren eta Edgardoren arteko harremanaren berri eman ziolako.


Ravenswoodtarren gazteluaren kanpoaldean, familiaren hobien parean. Egunsentia iristear dago. Edgardo Enricoren zain dago, harekin borrokatzeko; dena den, Enricori bera hiltzen uztea erabaki du, Lucia bere senarraren ondoan zoriontsu irudikatzeak arima torturatzen baitio. Asthondarren gaztelutik kanpai baten zoritxarreko hotsa entzungo da. Han daudenak hil berri den Luciaren patu tragikoaz hizketan aterako dira. Orduan, ahots horiek entzundakoan, Edgardok bere buruaz beste egingo du.